آیا نہ ہو گا اس طرح حُسن و شباب ریت پر گلشنِ فاطمہؑ کے تھے سارے گلاب ریت پر آلِ نبیؐ کے سوا کوئی نہیں کِھلا سکا قطرہِ آب کے بغیراتنے گلاب ریت پر ترسے حسینؑ آب کو، میں جو کہوں تو بے ادب لمسِ لبِ حسینؑ کو ترسا ہے آب ریت پر عشق میں کیا بچائیے، عشق میں کیا لٹائیے آلِ نبیؐ نے لکھ دیا سارا نصاب ریت پر جتنے سوال عشق نے آلِ رسولؐ سے کیے ایک سے بڑھ کر اک دیا سب نے جواب ریت پر آلِ نبیؐ کا کام تھا، آلِ نبیؐ ہی کر گئے کوئی نہ لکھ سکا ادیب ایسی کتاب ریت پر اَللَّہُمّ صَلِّ عَلٰی سَیِّدِنَا وَ مَوْلَانَامُحَمَّدٍ مَّعْدِنِ الْجُوْدِوَالْکَرَم وَآلہِ وَبَارِکْ وَسَلِّم